QMDB: ІІ respýblıkalyq palýandar kúresi ótedi
ASTANA. QazAqparat - 2015 jyldyń maýsym aıynda Almaty qalasynda «Din men dástúr» jylyna oraı Qazaqstan musylmandary dinı basqarmasynyń uıymdastyrýymen jamaǵat, kásibı jáne áýesqoı sportshylar arasynda dástúrli ІІ respýblıkalyq palýandar kúresi ótedi, dep habarlady www.muslim.kz.
Júldegerler baǵaly, aqshalaı syılyqtarmen marapattalyp, jeńimpazdarǵa alǵys hattar beriledi.
Aıta keteıik, ótken jyly uıymdastyrylǵan qazaq kúresinde bas júlde ıegeri Baýyrjan Tálip Bas múftı Erjan qajy Malǵajyulynyń qolynan úlken qajylyqqa tegin joldama alǵan bolatyn.
Dúbirli dodaǵa 18 jastan asqan palýandar qatysa alady.
Muhammed paıǵambarymyz (Allanyń oǵan ıgiligi men sálemi bolsyn) bir hadısinde: «Sýǵa júzýdi, sadaq atýdy, atqa otyrýdy, kúresýdi, júgirýdi úırenińder, ári ózgelerge ony úıretińder», - degen.
