QMDB halal standart boıynsha Tatarstan tarapymen birlesip jumys jasamaq
ASTANA. QazAqparat - Jaqynda Tatarstannyń múftıi Qazaqstan musylmandar dinı basqarmasynyń halal bóliminiń jetekshisi Beıbit Myrzageldimen kezdesti.
Muftyat.kz saıtyndaǵy málimetke qaraǵanda, taraptar álemdik halal ındýstrııanyń jaı-kúıin talqylap, osy tarapta yntymaqtasý ári tájirıbe bólisý máselelerin qozǵady. Aıta keterligi, QMDB jýyrda «Halal» belgisi bar ónimderdi baqylaý ári standarttaý úshin atalmysh bólimdi ashqan bolatyn.
Beıbit Myrzageldi tatarlardyń sertıfıkattaý júıesimen jete tanysady. Qazaqstan delegattary osy sapar barysynda sharıǵat talaptaryna saı ónim óndiretin kásiporyndardyń jumysyn óz kózimen kóredi.
