QMDB eldegi ımam-moldalardyń 3 paıyzynda ǵana joǵary bilim bar degen aqparatty joqqa shyǵardy
ASTANA. 13 qazan. QazAqparat - Qazaqstan musylmandary dinı basqarmasynan málim etkendeı, keshe birqatar buqaralyq aqparat quraldary «Qazaqstanda ımam-moldalardyń joǵary dinı bilimi 3 paıyzdy quraıdy» degen aqparatty taratty.
«Qazaqstan musylmandary dinı basqarmasy bul aqparatty jańylystyqpen taratylǵan málimet dep qabyldaıdy. Shyn máninde QMDB qyzmetkerleriniń 12 paıyzynyń ıslamı joǵary bilimi bar ekenin, al arnaýly dinı bilim alǵandardyń kórsetkishi 15 paıyzdy quraıtyndyǵyn habarlaımyz», - delingen taratylǵan málimdemede.
Sondaı-aq eldegi 1 myńnan astam din qyzmetkerinde Almatydaǵy Imamdardyń bilimin jetildirý ınstıtýtynyń dıplomy bar. «Osy kórsetkishterdi qosa eseptegende QMDB-nyń qaramaǵynda qyzmet etetin din kadrlarynyń 62 paıyzynyń dinı biliminiń baryn jalpy buqara nazaryna jetkizemiz», - dep túıindedi QMDB óz habarlamasynda.
