QMA Qazaqstan fýtbol federatsııasynyń burynǵy basshylyǵyna qatysty tergeýdi bastady
ASTANA. KAZINFORM - BAQ tarapynan kelip túsken suranystarǵa baılanysty, Qarjylyq monıtorıng agenttigi Qazaqstan fýtbol federatsııasynyń burynǵy basshylyǵyna qatysty sotqa deıingi tergeýdi bastaǵanyn rastady.
Bul týraly búgin agenttiktiń baspasóz qyzmeti habar taratty.
Ondaǵy málimetterge qaraǵanda, barlyq tergeý áreketteri zańnama talaptaryna saı júrgizilýde.
QR QPK-niń 201-babyna sáıkes ózge aqparat jarııalanbaıdy.
Osyǵan deıin Qazaqstan fýtbol federatsııasynyń baspasóz qyzmeti Ádilet Barmenqulovtyń federatsııa prezıdenttiginen ketkenin rastaǵany týraly jazǵan edik.
Onda sport jýrnalısteri Á. Bármenqulovti Qazaqstan Premer lıgasynda legıonerlerdiń sanyn arttyrǵan basshy retinde synap júrgeni aıtylady.
