QMA: Er adamdarǵa áıelderge arnalǵan ota rásimdeý arqyly 221 mln teńge jymqyrylǵan
ASTANA. KAZINFORM — QMA Mańǵystaý oblysy boıynsha departamenti Áleýmettik medıtsınalyq saqtandyrý qorynyń qarajatyn jymqyrý faktisi boıynsha eki jekemenshik klınıkanyń basshylyǵyna qatysty tergep-tekserý júrgizip jatyr.
Tergeý amaldaryna saı, «IBN SINA» jáne «SOFIE MED GROUP» medıtsınalyq ortalyqtarynyń laýazymdy tulǵalary er adamdarǵa qoıylǵan «varıkotsele» dıagnozy boıynsha medıtsınalyq qyzmetterdi kodtaý kezinde áıelderge arnalǵan joǵary tehnologııalyq operatsııanyń — «kishi jambas aǵzalary men jatyr arterııalary tamyrlarynyń endovaskýlıarlyq embolızatsııasy» qyzmet kodyn kórsetken.
Saldarynan 200-den astam er adamǵa negizsiz qymbat medıtsınalyq qyzmetter rásimdelip, emdeý quny 10 esege deıin ulǵaıtylǵan.
Sonymen qatar 19 jaǵdaıda patsıentter atalǵan klınıkalarǵa júgingenin múlde rastaǵan joq.
Memleketke keltirilgen zalal somasy 221 mln teńgeden asty.
Tergep-tekserý jalǵasyp jatyr.
Aıta ketelik QMA Abaı oblysynda zańsyz metall óndirýmen aınalysqan topty áshkerelegen edi.
