QMA belgili bloger Qaısar Qamzaǵa halyqaralyq izdeý jarııalady
ASTANA. KAZINFORM — Qazaqstan Respýblıkasynyń Qarjylyq monıtorıng agenttigi Qazaqstan Respýblıkasynyń azamaty 1995 jylǵy 18 qyrkúıekte týǵan, Qamza Qaısar Baqytjanulyna halyqaralyq izdeý jarııalady.
Sotpen oǵan qatysty «qamaýda ustaý» túrindegi bultartpaý sharasy sanktsııalanǵan.
Ol zańsyz oıyn bıznesine járdemdesti degen kúdikke ilinip otyr.
— Kúdikti 5 jyl boıy «Instagram» áleýmettik jelisinde, «qais_arr» ataýymen (2,4 mln jazylýshy) belsendi blogerlik qyzmet júrgizip, sondaı-aq «Telegram»-daǵy «Qora enterteınment» jabyq arnasyn (368 myń jazylýshy) basqarǵan, — delingen QMA habarlamasynda.
Kúdikti áleýmettik jelilerdegi jeke akkaýnttaryn paıdalana otyryp, Qazaqstan Respýblıkasynyń azamattary úshin «Pinco» saıtynda tirkelýge jáne qumar oıyndarǵa qatysýǵa baǵyttalǵan tikeleı siltemelerdi, grafıkalyq elementterdi jáne úndeýlerdi qamtıtyn beınematerıaldar men jarııalanymdardy júıeli túrde ornalastyrǵan. Sonymen qatar beınerolıkterdiń astynda paıdalanýshylarǵa bonýs beretin jeke promokodyn kórsetken.
Osylaısha, Qamza Q.B. azamattardy qumar oıyndarǵa tartýǵa baǵyttalǵan onlaın-platformany jarnamalap, oıyn platformasynan syıaqylar, bonýstar nemese paıyzdyq aýdarymdar túrinde tabys alyp otyrǵan.
— Zańsyz jolmen alynǵan kiristerdi jasyrý maqsatynda kúdikti krıptoámııandy paıdalanǵan. Oǵan «Pinco» ınternet-kazınosynyń uıymdastyrýshylarynan tólemder túsip otyrǵan, — dep habarlady QMA—dan.
Sot sanktsııasymen 182 736,741 USDT kólemindegi krıptoaktıvterge tyıym salyndy.
Qarjylyq monıtorıng agenttigi izdeýde júrgen tulǵanyń ornalasqan jeri týraly qandaı da bir aqparat belgili bolsa, kelesi baılanys nómirleri arqyly habarlaýdy surady:
+7 7172 70 84 78 — kezekshi bólim.
📞 Call-center: 1458
Byltyr Qarjylyq monıtorıng agenttigi 37 blogerdiń ústinen is qozǵady.