QMA Abaı oblysynda zańsyz metall óndirýmen aınalysqan topty áshkereledi
ASTANA. KAZINFORM — QMA Abaı oblysy boıynsha departamenti prokýratýranyń úılestirýimen Jarma aýdanynda baǵaly metaldardy zańsyz óndirý qyzmetiniń jolyn kesti. Bul týraly agenttiktiń baspasóz qyzmeti málim etti.
— Jedel-izdestirý is-sharalary barysynda barlaý jáne zańsyz óndirý jumystary júrgizilgen úsh jer anyqtaldy. Zańsyz qyzmet nátıjesinde topyraq beti keń kólemde búlinip, onyń ishinde qunarly qabaty sypyrylyp alynǵan. Altyn tústes metall, baıytýǵa arnalǵan jýý jabdyǵy, arnaıy tehnıka jáne avtokólik quraldary tárkilendi, — delingen habarlamada.
Agenttiktiń málimetinshe, qazirgi ýaqytta barlyq qatysy bar barlyq tulǵalar, zańsyz óndirilgen baǵaly metaldardyń kólemi jáne keltirilgen zalaldyń mólsheri anyqtalyp jatyr. Tergeý jalǵasady.
Qazaqstan Respýblıkasy Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy.
Buǵan deıin QMA zańsyz munaı aınalymy men janarmaı kontrabandasyna tosqaýyl qoıyldy.
