Klýbtasymen soqtyǵysqan qaqpashy ajal qushty
"Persela Lamongan" men "Semen Padang" komandalary arasynda ótken oıyn kezinde alań ıesiniń qaqpashysy Choırýl Hýda qonaqtardyń shabýylshysy Marsel Sakramentomen dopqa talasqan klýbtasy Ramono Rodrıgespen soqtyǵysqan.
Qatty soqqy saldarynan golkıper esinen tana qulaǵan. Match tóreshisi oıyndy toqtatyp, dárigerlerdi shaqyrdy. Olar Hýdany óz-ózine keltire almaǵan soń zembilge salyp alańnan alyp shyqty. Dárigerler gospıtalǵa jetkizilgen 38 jastaǵy Hýdany ajaldan arashalap qala almady, dep habarlaıdy Goal.
Matchtan keıin "Perselanyń " bapkeri Adjı Santoso Hýdanyń aýrýhanada kóz jumǵanyn málim etti.
Dárigerlerdiń biri onyń basy men moınynyń aýyr jaraqaty saldarynan qaza tapqanyn habarlady. Ony qutqarý múmkin bolmaǵan. Hýda 1999 jyldan beri úzbeı, tek «Persela» komandasynda oınaǵan.