Klýbtar arasyndaǵy ÁCh: Ronaldýdyń «Realǵa» ákelgen kezekti jeńisi
ASTANA. QazAqparat - Madrıdtik «Realdyń» fýtbolshylary klýbtar arasyndaǵy álem chempıonatynyń fınaldyq matchynda Brazılııanyń «Gremıo» komandasyn utty, dep habarlaıdy QazAqparat Trend.az aqparattyq agenttigine silteme jasap.
Senbi kúni Birikken Arab Ámirlikterinde ótken kezdesý «Realdyń» paıdasyna 1:0 esebimen aıaqtaldy. Goldy 53-inshi mınýtta Krıshtıaný Ronaldý saldy.
Osylaısha, «Real» klýbtyq álem chempıonatynda úshinshi ret jeńiske qol jetkizdi. Jáne osy kórsetkishpen kósh bastap turǵan Ispanııanyń «Barselonasymen» teńesti.
«Real» men «Gremıo» týrnırge Eýropa men Ońtústik Amerıkanyń eń úzdik klýbtary retinde qatysýda.
Klýbtar arasyndaǵy álem chempıonattarynda ıspanııalyq klýbtar - alty ret, brazılııalyqtar tórt ret jeńimpaz bolǵan edi.
