Klýbtar arasyndaǵy álem chempıonaty: «Flýmınense» fınalǵa joldama aldy

Búgin fýtboldan klýbtar arasyndaǵy 2023 jylǵy álem chempıonaty fınalyna shyqqan alǵashqy komanda anyqtaldy, dep habarlaıdy Kazinform.

Jartylaı fınaldyń alǵashqy jubynda 18 jeltoqsanda «Al-Ahlı» (Egıpet) komandasy «Flýmınense» (Brazılııa) klýbymen sheberlik baıqasty.

Kezdesýde brazılııalyq klýb 2:0 eseıýimen basym túsip, fınalǵa berilgen alǵashqy joldamaǵa ıe boldy.

Endi taǵy bir jartylaı fınalda 19 jeltoqsanda «Ýrava Red Daımonds» (Japonııa) pen «Manchester Sıtı» (Anglııa) kezdesedi.

Shırek fınalda «Al-Ahlı» Saýd Arabııasynyń «Al-Ittıhad» 3:1, «Ýrava Red Daımonds» Meksıkanyń «Leonyn» 1:0 esebimen súrindirdi.

Aıta ketsek, 22 jeltoqsanda fınal men 3-oryn úshin oıyndar ótkiziledi.

Bul — atalǵan formatta ótip jatqan sońǵy týrnır.

2025 jyldan bastap klýbtar arasyndaǵy álem chempıonatynda 32 komanda qatysady dep josparlanyp otyr.

Atalǵan doda 2000 jyldan beri turaqty túrde ótkizilip keledi.

Buǵan deıin 11 komanda jeńimpaz atandy.