Klýbtar arasyndaǵy ÁCh: «ıÝventýs» alǵashqy oıynynda iri eseppen jeńdi

ASTANA. KAZINFORM — Italııanyń «ıÝventýs» komandasy fýtboldan klýbtar arasyndaǵy álem chempıonatyndaǵy alǵashqy oıynynda qarsylasyn iri eseppen jeńdi.

G tobynda synǵa túsip jatqan ıtalııalyq klýb Birikken Arab Ámirliginiń «Al-Aın» klýbymen kezdesti.

Oıyn barysynda olardyń qatarynan Randal Kolo Mýanı 11, 45, Shıký Konseısaý 21, 58, Kenan Iyldyz 31-mınýtta mergendik tanytty.

Osylaısha «ıÝventýs» qarsylasynan 5:0 esebimen basym tústi.

Atalǵan toptaǵy Anglııanyń «Manchester Sıtı» komandasy Marokkonyń «Vıdad» klýbyn 2:0 esebimen jeńdi.

Al H tobynda oınap jatqan aýstrııalyq «Red Býll Zaltsbýrg» Meksıkanyń «Pachýka» klýbynan 2:1 esebimen basym tústi. aýstrııalyq komandadan Oskar Glýh 43-mınýtta gol soqsa, meksıkalyq klýbtan Braıan Gonsales tarazy basyn teńestirip ketti.

Al Karım Onısıvo 76-mınýtta soqqan gol «Red Býll Zaltsbýrgke» jeńis alyp keldi.
Bul toptaǵy Ispanııanyń «Real Madrıd» klýby birinshi kezedesýinde Saýd Arabııasynyń «Al-Hılıal» klýbymen 1:1 esebimen teń oınady.

Álem mempıonatynyń júlde qory 1 mıllıard AQSh dollaryn quraıdy. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi.

Dop dodasynda 32 komanda synǵa túsedi. Komandalar 8 topqa bólindi. Ár topta 4 klýbtan oıyn kórsetedi, olardyń ekeýi pleı-off kezeńine shyǵady.