Klýbtar arasyndaǵy ÁCh: «Real Madrıd» jartylaı fınal joldamasyna ıe boldy

ASTANA. KAZINFORM — Ispanııanyń «Real Madrıd» klýby fýtboldan klýbtar arasyndaǵy álem chempıonaty jartylaı fınalyna berilgen sońǵy joldamaǵa ıe boldy.

Ispanııalyq klýb shırek fınalda Germanııanyń «Borýssııa Dortmýnd» komandasymen sheberlik baıqasty.

Oıyn barysynda «Real Madrıd» sapynan Gonsalo Torres 10-mınýtta esep ashsa, Fransısko Garsııa 20, Kılıan Mbappe 94-mınýtta basymdyqty arttyrdy.

Oǵan germanııalyq klýbtan Maksımılıan Baıer 92, Serý Gırassı 98-mınýtta eki golmen jaýap qaıyrdy.

Osylaısha «Real Madrıd» qarsylasynan 3:2 esebimen basym túsip, jarysty jalǵastyrýǵa múmkindik aldy. Endi olar 9 shildede jartylaı fınalda Frantsııanyń «Parı Sen- Jermen» klýbymen kezdesedi. Frantsııalyq komanda shırek fınalda Germanııanyń «Bavarııasyn» 2:0 esebimen súrindirdi.

Sondaı-aq buǵan deıin Brazılııanyń «Flýmınense» Saýd Arabııasynyń «Al-Hılıal» klýbyn, Anglııanyń «Chelsıi» Brazılııanyń «Palmeırasyn» 2:1 esebimen jeńdi. «Flýmınense» men «Chelsı» jartylaı fınalda 8 shildede oınaıdy.

Álem chempıonatynyń júlde qory — 1 mıllıard AQSh dollary. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi. Dop dodasynda 32 komanda synǵa túsip jatyr.