Klýbtar arasyndaǵy ÁCh: «Real Madrıd» shırek fınalǵa joldama aldy

ASTANA. KAZINFORM - Klýbtar arasyndaǵy álem chempıonatynda shırek fınalǵa joldama alǵan barlyq komanda belgili boldy.

Jarystyń 1/8 fınalyndaǵy sońǵy eki oıynnyń birinde Ispanııanyń «Real Madrıd» klýby ıtalııalyq «ıÝventýspen» sheberlik baıqasty. Kezdesý barysynda komandalar tartysty oıyn ótkizdi. Dese de matchta nebári bir ǵana gol soǵyldy. Bul goldy 54-mınýtta Gonsalo Torres óziniń enshisine jazdy.

Osylaısha «Real Madrıd» qarsylasynan 1:0 esebimen basym túsip, shırek fınalǵa joldama aldy. Taǵy bir oıynda Germanııanyń «Borýssııa Dortmýnd» klýby Meksıkanyń «Monterreı» komandasymen oınady.

Germanııalyq komanda birinshi kezeńde belsendi qımyl kórsetti. Olardyń arasynan Serý Gırassıdiń sheberligi aıqyn ańǵarylyp turdy. Ol 14, 24-mınýttarda mergendik tanytty. Oǵan «Monterreı» sapynan Herman Berterame 48-mınýtta bir golmen jaýap qaıyrdy.

Qarsylasyn 2:1 esebimen qapy qaldyrǵan «Borýssııa Dortmýnd» jarystyń kelesi satysyna joldama aldy.

Nátıjesinde shırek fınalǵa shyqqan barlyq komanda anyqtaldy. Bul oıyndar 4 jáne 5 shilde kúnderi ótedi. Aldymen 4 shildede «Flýmınense» (Brazılııa) men «Al-Hılıal» (Saýd Arabııasy), «Palmeıras» (Brazılııa) men «Chelsı» (Anglııa), 5 shildede «Parı Sen-Jermen» (Frantsııa) men «Bavarııa» (Germanııa), «Real Madrıd» (Ispanııa) men «Borýssııa Dortmýnd» (Germanııa) oınaıdy.

Al jartylaı fınal oıyndary 8 jáne 9 shilde kúnderine belgilense, fınal 13 shildede bolady.

Eske salsaq, budan buryn klýbtar arasyndaǵy álem chempıonatynda «Al Hılıal» «Manchester Sıtıdi» jeńip shırek fınalǵa shyqty.