Klýbtar arasyndaǵy ÁCh: «Inter» jarystyń kelesi satysyna shyqty

ASTANA. KAZINFORM - Fýtboldan klýbtar arasyndaǵy álem chempıonaty 1/8 fınalyna joldama alǵan taǵy tórt komanda belgili boldy.

E tobynda synǵa túsip jatqan Italııanyń «Interi» sońǵy týrda súringen joq. Bul joly bas bapker Krıstıan Kıvý shákirtteri Argentınanyń «Rıver Pleıt» komandasynan 2:0 esebimen basym tústi. Oıyn barysynda olardyń qatarynan Franchesko Espozıto 72, Alessandro Bastonı 93-mınýtta mergendik tanytty.

Sondaı-aq atalǵan topta meksıkalyq «Monterreı» Japonııanyń «Ýrava Red Daımonds» komandasyn 4:0 esebimen jeńdi.

Bul toptan «Inter» men «Monterreı» komandalary 1/8 fınalǵa joldama aldy.

Al F tobynda Germanııanyń «Borýssııa Dortmýnd» komandasy úshinshi týrda Ońtústik Koreıanyń «Ýlsan Hende» komandasyn 1:0 esebimen súrindirdi.

Kezdesý taǵdyryn sheshken jalǵyz goldy Danıel Svensson 36-mınýtta soqty.

Atalǵan toptaǵy «Mamelodı Sandaýnz» (Ońtústik Afrıka) ben «Flýmınense» (Brazılııa) kezdesýinde 0:0 esebi tirkeldi.

Bul toptan «Borýssııa Dortmýnd» pen «Flýmınense» jarysty jalǵastyrýǵa múmkindik aldy.

Endi 26 maýsymnan 27-ne qaraǵan túni saǵat 00:00-de G tobynda «Vıdad» (Marokko) pen «Al-Aın» (BAÁ), H tobynda «ıÝventýs» (Italııa) pen «Manchester Sıtı» (Anglııa), «Al-Hılıal» (Saýd Arabııasy) men «Pachýka» (Meksıka) sheberlik baıqasady.

Qazirge deıin 1/8 fınalda synǵa túsetin segiz juptyń altaýy anyqtaldy. Jarystyń atalǵan satysynda 28 maýsymda «Palmeıras» (Brazılııa) pen «Botafogo» (Brazılııa), «Benfıka» (Portýgalııa) men «Chelsı» (anglııa) oınaıdy.

Al 29 maýsymda «Parı Sen-Jermen» (Frantsııa) men «Inter Maıamı» (AQSh), «Flamengo» (Brazılııa) men «Bavarııa» (Germanııa), 30 maýsymda «Inter» (Italııa) men «Flýmınense» (Brazılııa), 2 shildede «Borýssııa Dortmýnd» (Germanııa) pen «Monterreı» (Meksıka) sheberlik baıqasady.

E jáne F toptarynda alǵashqy eki orynǵa ıe bolǵan komandalar 1/8 fınalda 1 shildede kezdesedi.