Klýbtar arasyndaǵy ÁCh: «Chelsı» 1/8 fınal joldamasyna ıe boldy

ASTANA. KAZINFORM - Anglııanyń «Chelsı» komandasy fýtboldan klýbtar arasyndaǵy álem chempıonaty 1/8 fınalyna joldama aldy.

D tobynda synǵa túsip jatqan anglııalyq klýb úshinshi týrda Mysyrdyń «Esperans» komandasymen sheberlik baıqasty. Alǵashqy eki oıynda nebári ush upaı alǵan olar úshin bul kezdesýde jeńiske jetý mańyzdy bolatyn. Nátıjesinde oıyn barysynda anglııalyq klýb qarsylas qaqpasyna jaýapsyz úsh gol soqty. Ony Tosın Adarabıoıo, Lıam Delap, Taırık Djordj óziniń enshisine jazdy.

Osylaısha olar qarsylasynan 3:0 esebimen basym túsip, óz tobynda ekinshi orynǵa taban tiredi.

Bul topta birinshi oryn alǵan Brazılııanyń «Flamengo» komandasy úshinshi týrda AQSh-tyń «Los-Andjeles» klýbymen 1:1 esebimen teń tústi.

Endi jarystyń kelesi satysynda «Flamengo» men «Chelsı» baq synaıdy.

Al S tobynda Portýgalııanyń «Benfıka» komandasy Germanııanyń «Bavarııasyn» 1:0 esebimen jeńse, «Oklend Sıtı» (Jańa Zelandııa) men «Boka Hýnıors» (Argentına) 1:1 esebine qanaǵat bildirdi.

Atalǵan toptan jarystyń kelesi satysyna «Bavarııa» men «Benfıka» shyqty.

Toptyq kezeń oıyndary jalǵasady. Búgin E jáne F tobyndaǵy komandalar jasyl alańǵa shyǵady.

Eske salsaq, budan buryn klýbtar arasyndaǵy álem chempıonatynda «Parı Sen-Jermen» 1/8 fınalǵa joldama aldy.