Klýbtar arasyndaǵy ÁCh: Búgin «Real Madrıd» ekinshi oıynyn ótkizedi

ASTANA. KAZINFORM — Fýtboldan klýbtar arasyndaǵy álem chempıonatynda 22 jáne 23 maýsym kúnderi tórt oıyn ótkiziledi.

Aldymen 22 maýsymda G tobynda synǵa túsip jatqan Italııanyń «ıÝventýsi» komandasy ekinshi týrda Marokkonyń «Vıdad» klýbymen kezdesedi. Oıyn qazaqstandyq ýaqytpen 21:00–de bastalady. 

Atalǵan toptaǵy «Manchester Sıtı» (Anglııa) men «Al-Aın» (Birikken Arab Ámirligi) kezdesýi 23 maýsymda saǵat 06:00–ge belgilengen. 

Sondaı-aq H tobynda saǵat 00:00–de «Real Madrıd» (Ispanııa) pen «Pachýka» (Meksıka), 06:00–de «Red Býll Zaltsbýrg» (Aýstrııa) men «Al-Hılıal» (Saýd Arabııasy) sheberlik baıqasady.

22 maýsymda F tobynda brazılııalyq «Flýmınense» Ońtústik Koreıanyń «Ýlsan Hende» klýbyn 4:2 esebimen jeńse, Germanııanyń «Borýssııa Dortmýndy» Ońtústik Afrıkanyń «Mamelodı Sanýndaýs» klýbynan 4:3 esebimen basym tústi.

Sondaı-aq E tobynda ıtalııalyq «Inter» Japonııanyń «Ýrava Red Daımondsyn» 2:1 esebimen jeńse, argentınalyq «Rıver Pleıt» pen Meksıkanyń «Monterreıi» 0:0 esebimen teń oınady.
Álem mempıonatynyń júlde qory 1 mıllıard AQSh dollaryn quraıdy. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi.

Dop dodasynda 32 komanda synǵa túsedi. Komandalar 8 topqa bólindi. Ár topta 4 klýbtan oıyn kórsetedi, olardyń ekeýi pleı-off kezeńine shyǵady.