Klýbtar arasyndaǵy ÁCh: «Atletıko Madrıd» jarystyń kelesi satysyna shyǵa ala ma

ASTANA. KAZINFORM - Fýtboldan klýbtar arasyndaǵy álem chempıonatynda búgin, 23 maýsymnan 24-ne qaraǵan tórt oıyn ótkiziledi.

Aldymen qazaqstandyq ýaqytpen 00:00-de D tobynda Italııanyń «Atletıko Madrıd» (Ispanııa) men «Botafogo» (Brazılııa), «Sıetl Sanýders» (AQSh) pen «Parı Sen-Jermen» (Frantsııa) komandalary kezdesedi.

Eki týrdan keıin «Botafogo» alty upaımen kósh basynda tur. Odan keıingi oryndardy «Parı Sen-Jermen» men «Atletıko Madrıd» úsh upaımen ózara bólisip tur. Al «Sıetl Sanýders» komandasynyń qorjyny bos.

Sondaı-aq A tobynda saǵat 06:00-de «Inter Maıamı» (AQSh) men «Palmeıras» (Brazılııa), «Portý» (Portýgalııa) men «Al-Ahlı» (Egıpet) sheberlik baıqasady.

23 maýsymda G tobynda anglııalyq «Manchester Sıtı» Birikken Arab Ámirliginiń «Al-Aın» klýbyn 6:0 esebimen jeńse, Italııanyń «ıÝventýsy» Marokkonyń «Vıdad» klýbynan 4:1 esebimen basym tústi.

Sondaı-aq H tobynda ıspanııalyq «Real Madrıd» Meksıkanyń «Pachýka» komandasyn 3:1 esebimen jeńse, aýstrııalyq «Red Býll Zaltsbýrg» Saýd Arabııasynyń «Al-Hılıal» klýbymen 0:0 esebimen teń oınady.

Álem mempıonatynyń júlde qory 1 mıllıard AQSh dollaryn quraıdy. Atalǵan týrnırde chempıon bolǵan komanda 125 mıllıondy ıelenedi. Qalǵan qarajatty qatysýshy 31 klýb alǵan oryndaryna baılanysty bólisedi.

Dop dodasynda 32 komanda synǵa túsedi. Komandalar 8 topqa bólindi. Ár topta 4 klýbtan oıyn kórsetedi, olardyń ekeýi pleı-off kezeńine shyǵady.