Kloýn men maımyl amerıkandyq bankti tonady
ASTANA. QazAqparat - Amerıkandyq bankti kloýn men maımyl túrinde kıingen qaskóıler tonady, dep habarlady Lenta.rý.
Bul oqıǵa Batys Vırgınııadaǵy Capon Valley bólimshesinde bolǵan. Qylmyskerler belgisiz baǵytqa iz sýytqan, shtat polıtsııasy tekserý júrgizýde, yqtımal kýágerlerdi izdestirýde.
Tonaýshylar bankke basyp kirip, qarýmen qorqytyp, qolda bar qolma-qol aqshany alyp ketken (bank qansha aqsha urlanǵanyn habarlamaı otyr). Aqsha qolǵa tıgennen keıin olar mashınamen zytyp otyrǵan.
Bylaı shyǵa mashınany tastap, órt qoıyp, basqa bir kólikpen ketip qalǵan. Polıtsııa qolda bar beınebaqylaý materıaldaryn jarııalady.
Búginde betperde men ártúrli kostıýmder kıip urlaý klassıkalyq krımınaldyq janrǵa aınaldy. 2013 jyly Flordıda Temir adam betperdesin kıgen er adam bankti tonaǵan. Al Ulybrıtanııada jasandy murt qoıǵan áıel parfıýmerııa dúkenin úptep ketken. Al Qyrymda Mystan kempir keıpindegi qaskóı dúkendegi aqshany sypyryp ketken bolatyn.
