KLM reısiniń bortynda maska taqpaǵandar tóbeles shyǵardy
BRıÝSSELЬ. QazAqparat – Nıderlandylyq KLM áýe kompanııasy reısiniń bortynda eki jolaýshy maska taǵýdan bas tartqandyqtan tóbeles bastaldy, dep habarlaıdy QazAqparat menshikti tilshisi The Independent-ke silteme jasap.
Basylym jarııalaǵan vıdeotaspada Amsterdamnan Ibıtsa aralyna ushyp bara jatqan Boeing-737 ushaǵynyń salonynda maska taǵýdan bas tartqan eki brıtanııalyq demalýshynyń tóbelesi kórsetilgen. KLM málimetinshe, eki er adamdy basqa jolaýshylar ustap, Ibıtsaǵa jetken kezde Ispanııa polıtsııasy olardy tutqyndaǵan.
«Eki jolaýshy maska taǵýdan bas tartyp, janyndaǵy jolaýshylardyń mazasyn ketirgen. Ushqysh jergilikti bılikke habarlaǵan, jerge qonǵannan keıin ekeýi de tutqynǵa alyndy», - dedi áýe kompanııasynyń ókili.
Vıdeony jeksenbi kúni tańerteń alǵash bolyp jarııalaǵan Instagram-daǵy akkaýntta jolaýshylardyń biri aǵylshyn ekeni jáne onyń araq iship alǵany aıtylǵan.
KLM reısterinde jáne Nıderlandy áýejaıynda adamdar maska taǵýǵa mindetti.
Avtory : Tımýr Dúısekeev
foto:nypost.com