KLM Amsterdamnan Astanaǵa áýe reısin ashty
ASTANA. QazAqparat - KLM (Koroldyq gollandtyq áýe joldary) áýe kompanııasy uzaq qashyqtyqtaǵy áýe tasymaldary boıynsha qyzmetterin keńeıtýde, Qazaqstandaǵy qazirgi reısterine Almaty qalasy arqyly Astanaǵa ushý reısin qosty.
Almaty men Astana reısteri 3 mamyrdan bastap aptasyna tórt ret (seısenbi, sársenbi, juma, jeksenbi) aınalma reıs túrinde tórt ret: Amsterdamnan Astana arqyly Almatyǵa jáne qaıtadan Amsterdamǵa eki ret (seısenbi, juma) jáne Amsterdamnan Almaty arqyly Astanaǵa jáne qaıtadan Amsterdamǵa eki ret sársenbi, jeksenbi) ushatyn bolady. Jańa baǵdar Amsterdam-Astana-Almaty reısi 3 mamyrdan bastalady.
Amsterdam-Astana-Almaty reısteriniń kestesi (jergilikti ýaqyt boıynsha)
3 mamyrdan bastalady, aınalma reıs Amsterdamnan seısenbi, juma kúnderi jergilikti ýaqyt boıynsha saǵat 15:10 ushyp shyǵyp, Astanaǵa jergilikti ýaqyt boıynsha saǵat 00:50 ushyp keledi. Ol Almatyǵa jergilikti ýaqyt boıynsha saǵat 02:00 jóneltilip, munda jergilikti ýaqyt boıynsha saǵat 03:45 ushyp keledi. Osydan keıin reıs Almatydan jergilikti ýaqyt boıynsha saǵat 05:10 ushyp shyǵyp, Amsterdamǵa jergilikti ýaqyt boıynsha saǵat 08:15 ushyp keledi.
Amsterdam-Almaty-Astana reısteriniń kestesi (jergilikti ýaqyt boıynsha)
4 mamyrdan bastalady, aınalma reıs Amsterdamnan sársenbi jáne jeksenbi kúnderi jergilikti ýaqyt boıynsha saǵat 15:10 ushyp shyǵyp, Almatyǵa jergilikti ýaqyt boıynsha saǵat 01:40 ushyp keledi. Ol Almatydan jergilikti ýaqyt boıynsha saǵat 03:45 jóneltilip, Astanaǵa jergilikti ýaqyt boıynsha saǵat 04:55 ushyp keledi. Osydan keıin reıs Astanadan jergilikti ýaqyt boıynsha saǵat 06:10 ushyp shyǵyp, Amsterdamǵa jergilikti ýaqyt boıynsha saǵat 08:15 ushyp keledi.
Reısterge Airbus A330-200 laıneri qyzmet kórsetedi. «KLM» áýe kemesiniń bortynda úsh jolaýshy klasyn: bıznes-klasty 30 oryn, ekonom-komfort klasty 35 oryn, ekonom-klasty 178 oryn usynady. Ekonom-komfort klasy aıaqqa qosymsha 10 sm keńistik beriledi, shalqaıyp otyrýǵa bolatyn kreslo usynylady, syrtqa shyǵý kezinde basymdylyq beredi.
KLM avıabıletterin týrıstik agenttikter arqyly jáne www.klm.kz saıty arqyly brondaýǵa bolady.
