Klınton Tramptyń AQSh prezıdenti bolý qabiletine kúmándanyp otyr
ASTANA. QazAqparat - Respýblıkalyq Donald Tramp AQSh prezıdenti bola almaıdy. Bul týraly demokrattardan AQSh prezıdenttigine úmitker Hılları Klınton málim etti.
Amerıkandyq Sharlott qalasynda saılaýaldy mıtıngte sóılegen Klınton Barak Obamanyń AQSh prezıdenti laýazymynda atqarǵan jumysyna baǵa berdi. Ol ony «elimizdi qalaı qaýipsiz jáne kúshti qylý kerek ekenin biletin prezıdent» dep atady, dep habarlady RIA Novostı.
«Donald Tramppen salystyryńyzdar. Amerıka daǵdarysqa ushyraǵanda ony Aq úıde elestete alasyzdar ma? Bizdiń prezıdentimizdiń ár sózin álem muqııat tyńdaıdy. Al Tramp bizdiń prezıdentimiz jáne bas qolbasshymyz bolýǵa qabiletsiz», - dep atap ótti ol.
