Klınton Nıý-Gempshırdegi praımerızde jeńilgenin moıyndady
ASTANA. QazAqparat - AQSh-tyń burynǵy memlekettik hatshysy Hıları Klınton Nıý-Gempshır shtatynda 2016 jyly el prezıdenti laýazymyna Demokratııalyq partııa atynan shyǵý úshin bolǵan bastapqy saılaýda jeńilgenin moıyndady.
CNN kompanııasyna belgili bolǵandaı, seısenbi kúni keshke ol óziniń qarsylasy - Vermont shtatynyń atynan shyqqan Bernı Sanderske telefon shalyp, ony jeńisimen quttyqtady.
Nıý-Gempshırde toltyrylǵan bıýlletenderdiń 22 paıyzy sanalǵan soń, Sanderstiń daýys berýshi demokrattardyń 58 paıyzyn, al Klınton - nebári 40 paıyzyn jınaǵan. Bul barlyq amerıkandyq sarapshylarǵa ózin «demokratııalyq sotsıalıst» dep sanaıtyn, sońǵy aılarda kóptegen amerıkandyqtardyń, sonyń ishinde el jastarynyń súıispenshiligine bólengen 74 jastaǵy senatordyń jeńisin senimmen boljaýǵa múmkindik berdi.
