Klınton qory Katardan mıllıon dollar «syıǵa alǵanyn» moıyndady
ASTANA. QazAqparat - AQSh-tyń burynǵy prezıdenti Bıll Klınton qorynyń ókili eks-prezıdenttiń týǵan kúnine oraı, qorǵa Katar úkimetiniń 1 mıllıon dollar kóleminde aqsha aýdarǵany týraly aqparatty rastady, dep habarlaıdy Reıter agenttigi.
Buǵan deıin Wikileaks portaly Bıll Klınton qorynyń (Clinton Foundation) qyzmetkeri men prezıdenttikke úmitker Hıları Klıntonnyń saılaýaldy shtabyn basqaratyn Djon Podestanyń bir-birine jazǵan habarlamalaryn jarııalaǵan edi. Onda B.Klıntonnyń 65 jasqa tolýyna oraı, oǵan Katar úkimetiniń 1 mıllıon dollar syılaýǵa jáne jeke kezdesýge nıetti ekeni aıtylǵan. Agenttiktiń habarlaýynsha, osy aptada Qor ókili Braıan Kýkstra (Brian Cookstra) Katardan 1 mıllıon dollar «syıǵa alǵanyn» rastady jáne onyń aıtýynsha, bul soma Qordyń qaıyrymdylyq qyzmetinde Katar úlesin «materıaldyq arttyrý» úshin alynbaǵan. B.Klınton qorynyń ózge memleket qarajatyn qabyldaǵany úshin AQSh prezıdenttigine úmitker Hılları Klınton synǵa ushyrady. Olar qaıyrymdylyqqa qarjy aýdarǵandar qor H.Klınton AQSh Memlekettik departamentin basqaryp turǵan kezde kómek alýy jáne jeńildikterge ıe bolýy múmkin degen kúdik keltirýde.
