Klınton «daýly» shtattarda Tramptan basym túsip jatyr
ASTANA. QazAqparat - Demokratııalyq partııadan AQSh prezıdenttigine úmitker Hılları Klınton «daýly» shtattarda respýblıkalyqtar atynan úmitker Donald Tramptan basym túsip, dástúrli «respýblıkalyq aýmaqta» odan edáýir alda keledi, dep habarlaıdy ria.ru Washington Post gazetine silteme jasap.
Atap aıtqanda, áńgime jeti «respýblıkalyq» shttattar - Mıssýrı, Djordjııa, Tehas, Kanzas, Arızon, Indıan jáne Ońtústik Karolına jaıly. Onda, basylym derekteri boıynsha, sońǵy toǵyz saılaýaldy respýblıkalyq naýqanda respýblıkalyqtar 63-tiń 58-in utqan. Qazir mıllıarderdiń kóshbasshylyǵy ekiden alty paıyzǵa deıin tómendedi.
Sonymen qatar, basylym derekterine sáıkes, Klınton toǵyz «daýly» shtattarda qarsylasyn basyp ozýda. Onyń beseýi - Kolorado, Vırdjınııa, Pensılvanııa, Vıskonsın jáne Nıý-Gempshırde burynǵy memlekettik hatshynyń basymdyǵy 9-11 paıyzdy quraıdy.
Degenmen, Washington Post atap ótkendeı, bul derekter Klınton jeńedi degendi bildirmeıdi.
