Klımattyń jylynýy saldarynan aldaǵy 100 jyldyń ishinde 900-ge tarta qus túri joıylýy múmkin
ASTANA. 6 naýryz. QazAqparat - Jer ústi klımatynyń 3,5 gradýsqa jylynýy 2100 jyly 600-den 900-ge deıingi qustardyń túri joıylýyna ákep soǵýy múmkin, dep habarlady reseılik «Jańalyqtar» agenttigi Biological Conservation jýrnalynyń maqalasyna silteme jasap.
Halyqaralyq sarapshylardyń baǵalaýynsha, 21-ǵasyrdyń sońyna qaraı Jerdiń ortasha temperatýrasy 1,8 gradýsqa, al tipti nasharlaǵan jaǵdaıda - 4,6 gradýsqa jylynýy múmkin. Zertteýlerdi ıÝta ýnıversıtetiniń Chagan Shakerıoglý bastaǵan halyqaralyq ǵalymdar toby júrgzgen.
«Eger Jer ústiniń temperatýrasy jylynýy 2100 jyly 3,5 gradýsqa jetse, 600-den 900-ǵa deıingi qustar túri joıylady. Olaryń 89 paıyzy tropıkalyq aımaqta ósip-óngen. Sondaı-aq eger ǵalamshar árbir bir gradýsqa odan ári jylynatyn bolsa, taǵy da 100-den 500-ge deıingi qustar túri jer betinen óshedi», delingen habarlamada. Onyń sebebi, olar ómir súretin ortanyń joǵalýynan bolady. Máselen tropıkalyq qustardyń ómir súretin jeriniń 92 paıyzy temperatýra jylynýynan óziniń tepe-teńdigin joǵaltady. Olardyń kópshiligi búginde áli quryp bara jatqan túrlerdiń tizimine engizilmegen. Ǵalymdar ásirese bıik taýly jáne jaǵalaýlardaǵy biregeı klımattyq aımaqta ómir súrip jatqan qustar osyndaı zobalańǵa aldymen tap bolmaq, dep sanaıdy. Máselen Karıb teńizindegi Kasýmel araly men avstralııalyq Rojdestvo aralynda jumyrtqa basatyn Olýsha Abbota dep atalatyn sırek teńiz qusy múldem joǵalýy yqtımal.
