Klımattyń ózgerýi psıhıkaǵa keri áserin tıgizedi -zertteý
NUR-SULTAN. QazAqparat –«Álemde jahandyq jylyný úlken problemaǵa aınalǵandyqtan, oǵan alańdaýshylar qatary da artty. Mamandardyń aıtýynsha, klımattyń ózgerýi psıhıkaǵa keri áserin tıgizedi. Al bul týraly alańdaý odan da zııan», dep jazady VVS.
Maqalada avtor Výster ýnıversıtetiniń psıhology professory Sıýzen Kleıtonnyń baıandamasy týraly aıtady. Onyń baıandamasynda klımattyń ózgerýi aqparatty óńdeý jáne emotsıonaldy reaktsııalardan keıin sheshim qabyldaý qabiletine qaýip tóndirip tur.
«Klımatty alańdaý – klımattyq depressııa sııaqty. Tipti, qazirgi tańda klımat boıynsha psıhologtar da jumys isteı bastaǵany belgili. Kóbine klımattyń ózgerýine qatty alańdaıtyn adamdar qandaı da bir ekologııalyq uıymǵa múshe bolyp, belsendi jumyspen aınalysqanda ǵana psıhologııalyq turǵyda ózderin jaqsy sezine bastaıdy», dep jazady avtor.
Onyń aıtýynsha, Nıý Iork ýnıversıtetiniń Qorshaǵan orta gıgıenasy klınıkasynyń mamandary zertteý júrgizgen. Ǵalymdar oıdan iske kóshken adamdarda ǵana psıhologııalyq turaqtylyq bolǵanyn anyqtaǵan.
«Adam qoryqqanda túrli qorǵanysh mehanızmderi iske qosylady. Klımattyq daǵdarysta munyń esh paıdasy joq. Tipti, keıbir adamdar ózderin qorshaǵan orta aldynda kináli sezinedi eken. Negizinde, kinádan góri jaýapkershiliktiń basym bolǵany durys», deıdi Oregondaǵy Ýıllamett ýnıversıtetiniń psıhology Sbıýzen M.Koger.
