Klımatty qutqarý úshin adamdar etti az jeýi tıis - ǵalymdar
ASTANA. QazAqparat - Brıtandyq ǵalymdar Jer atmosferasyna parnıktik gaz shyǵaryndylary men adamzattyń et pen sútti tutynýynda ózara baılanys bar ekenin anyqtady, dep habarlady Bı-bı-sı.
Kembrıdj jáne Aberdın ýnıversıtetteriniń zertteýshileri azyq-túlik óndirisi nátıjesinde parnıktik gaz emıssııasy 2050 jylǵa qaraı 80 paıyzǵa ósetinin anyqtady, bul atmosferaǵa shyǵarylatyn kómir qyshqyl gazy kólemin tómendetý jónindegi berilgen ólshemderge qol jetkizýge bolmaıdy degendi bildiredi dep boljam jasap otyr.
Ǵalymdardyń pikirinshe, bul úrdisti eger damýshy elderde aýyl sharýashylyǵy óndirisi jaqsaryp, taǵamdar laqtyrylmaıtyn, adamdar etti az jeıtin bolsa ǵana, toqtatýǵa bolady. Zertteý nátıjeleri Nature Climate Change jýrnalynda jarııalandy.
Amerıkandyq ǵalymdardyń jaqyndaǵy zertteýleri jahandyq jylynýdaǵy 1998 jyldan beri jalǵasyp kele jatqan «úzilis» taǵy da keminde on jylǵa sozylýy múmkin.
