Klımattyń ózgerýi dala órtine yqpal etti

ASTANA. KAZINFORM — Antropogendik klımattyq ózgerister Patagonııa men Chılıde orman órtterin kúsheıtti, dep habarlaıdy Anadoly.

Argentına, Chılı, Danııa, Nıderland, Shvetsııa, Ulybrıtanııa jáne AQSh ǵalymdary World Weather Attribution klımatologııalyq zertteý jelisi aıasynda júrgizgen zertteýge sáıkes, adam áreketinen týyndaǵan klımattyq ózgerister Argentına Patagonııasy men Chılıdiń ortalyq jáne ońtústik aýdandarynda orman órtiniń paıda bolýyna áser etken.

Ǵalymdar Patagonııadaǵy jáne Chılıdiń ortalyq jáne ońtústik bóligindegi orman órtin taldaǵan.

Órttiń kólemin adam áreketimen týyndaǵan klımattyq ózgerister qanshalyqty kúsheıtkenin anyqtaý úshin zertteýshiler órtke ákelgen meteorologııalyq jaǵdaılar men qurǵaqshylyq derekterin qarastyrǵan.

Zertteý qorytyndysyna sáıkes, órtke deıingi kezeńde eki aımaqta da órttiń paıda bolýyna yqpal etetin aýa raıy jaǵdaılary basym bolyp, jaýyn-shashyn mólsheri óte tómen bolǵan.

Aımaqtyq klımattyq modelderdegi ózgeris pen ǵalamdyq klımattyq ózgeris arasynda kúshti korrelıatsııa anyqtalǵan. Sonymen qatar, eger ǵalamshardaǵy ortasha temperatýra 1,3 gradýsqa tómen bolsa, atalmysh orman órtin týdyratyn jaǵdaılardyń paıda bolý yqtımaldyǵy aıtarlyqtaı az bolar edi dep kórsetilgen.

Aıta ketelik Chılıdiń ońtústigindegi eki óńirde orman órtine baılanysty tótenshe jaǵdaı jarııalanǵan edi.