Klımattaǵy ózgerister Qazaqstan ekonomıkasyna 4 mlrd shyǵyn keltirdi

Astanada BUU aıasynda ótken ótken klımattyń ózgerýi týraly konferentsııada sarapshylar bul qubylystan Qazaqstan qandaı zııan shegip jatqany týraly pikirlerin bildirdi, dep habarlaıdy Kazinform agenttigi.

«Klımattyń ózgerýi, saıası jáne ekonomıkalyq turaqsyzdyq, energetıkalyq jáne azyq-túlik qaýipsizdigi, shóleıttený, bıoalýandyqty saqtaý, sý resýrstarynyń sarqylýy sııaqty máseleler jahandyq syn-tegeýringe aınalyp keledi», - Ekologııa vıtse-mınıstri Mansur Oshýrbaev.

Sondaı-aq, ol Qazaqstandaǵy ylǵaldyń 40%-y syrttan keletin transshekaralyq ózenderge táýeldi ekenin eske saldy.

«Ekonomıkalyq áriptestik jáne damý uıymynyń (OECD – red.) málimeti boıynsha, tabıǵat apattarynan keletin shyǵyn jyldyq jalpy ishki ónimniń 2%-yna teń. Klımat ózgerisiniń Qazaqstan ekonomıkasyna áseri týraly aıtsaq, halyqaralyq uıymdar zertteýleriniń qorytyndysy boıynsha, bul shama 4 mlrd AQSh dollaryna teń», - dedi vıtse-mınıstr.