Klımatologtar uzaqmerzimdi aýa raıy boljamynyń durystyǵyn anyqtady
ASTANA. QazAqparat - Amerıkandyq ǵalymdar Eýropadaǵy aýa raıynyń sońǵy 30 jyldaǵy kúzgi jáne qysqy kezeńderdegi qubylýynyń tarıhyn zerttedi, dep habarlady Rosbalt.
Zertteýshiler Eýropalyq Odaq men Reseıdiń batys bóligi aýmańǵyndaǵy qysqy klımatty qyrkúıekte-aq boljaýǵa bolady, degen qorytyndy jasady.
Per jáne Marııa Kıýrıler atyndaǵy ýnıversıtetten Have Garsııa-Serrano men onyń áriptesi Klod Frankınol Altantıkadaǵy klımattyq ózgeristerdi zertteı otyryp, Eýropadaǵy sońǵy 30 jyldaǵy aýa raıynyń qalaı ózgerýimen salystyra otyryp, uzaqmerzimdi aýa raıy boljamyn jasaýǵa bolatynyn dáleldedi.
Maqala avtorlary Eýropadaǵy aýa raıynyń yqtımal modeliniń nátıjelerin burynǵy maýsymdardaǵy málimettermen salystyra otyryp jasady. Mundaı model alǵa qoıylǵan mindetter údesinen shyǵa bildi, 1970-2000 jyldardyń kórsetkishteri boıynsha Eýropada qystyń qatty nemese jumsaq bolatynyn aldyn ala boljaý múmkindigi týyndady. Ekinshi jaǵynan onyń dálme-dáldigin aıtýǵa degenmen áli erte - óıtkeni bul ádis arqyly Eýropadaǵy árbir qysta bolatyn aýa raıy qubylýynyń úshten bir bóligi jóninde ǵana aýfyz toltyryp aıtýǵa bolady, dep habarlady Innovanews. Klımatologtardyń atap kórsetýinshe, eger qyrkúıektiń ǵana emes, kúzdiń basqa da aılarynyń kórsetkishterin paıdalana otyryp, modeldiń nátıjeliligin shamamen 60 paıyzǵa kóterýge bolady.
