Klımatologtar: AQSh-ta alapat qýańshylyq bolýy yqtımal
ASTANA. QazAqparat - Amerıkalyq ǵalymdar sońǵy eki myń jyl ishindegi qýańshylyqtyń týyndaý sebepterine saraptama júrgize kele, AQSh-tyń batysynda jáne ońtústik-batysynda kez kelgen sátte 30 jylǵa sozylatyn qurǵaqshylyq bolýy múmkin degen qorytyndyǵa kelip otyr.
Bul týraly AZERTADJ ecoportal-ǵa silteme jasap habarlaıdy.
2011 jyldan bastap, AQSh-tyń ońtústik óńirlerin, ásirese Kalıfornııa turǵyndarynyń 98 paıyzyn qamtyǵan, bul aımaqtaǵy ormannyń túgelge jýyǵyna áser etken qurǵaqshylyq beleń aldy.Osy ýaqyt aralyǵynda mundaǵy aǵashtardyń kóbi qýrap qaldy.
Ǵalymdardyń baǵalaýynsha, tek sońǵy bes jylda Kalıfornııa 67 tekshe shaqyrymǵa jýyq sýdy joǵaltqan. Ótken jylǵy jeltoqsannyń aıaǵyna qaraı jaǵdaı óte qıyndaǵan. Biraq qańtarda birneshe ret jaýǵan nóser jańbyrdan soń shtat bıligi qurǵaqshylyqtyń aıaqtalǵanyn málimdegen edi. Degenmen klımatologtar jaǵdaı qaıta ózgerýi múmkin degen qaýipte.
