Klımatqa beıimdelý jáne aýyr jarystar Álemniń úshinshi raketkasy Rodjer Federerge Astanadaǵy Devıs kýbogi týrnırine kelýine kedergi boldy - Sh. Tarpışev
ASTANA. Qyrkúıektiń 16-sy. QazAqparat /Jasulan Amanbaıuly/ - Klımatqa beıimdelý jáne aýyr jarystar Álemniń úshinshi raketkasy shveıtsarııalyq Rodjer Federerge Astanadaǵy Devıs kýbogi týrnırine kelýine kedergi boldy.
QazAqparat tilshisine bergen suhbatynda Reseıdiń tennıs qaýymdastyǵynyń prezıdenti Shámil Tarpışev osylaı málim etti.
«Negizinde ol Devıs kýboginde sırek oınaıdy. Sonyń ishinde tek ótpeli oıyndarda jáne óziniń elinde ótetin matchtarǵa ǵana qatysady. Onyń bas sebebi tym tyǵyz kestede. Bul ATP, WTA jáne Halyqaralyq tennıs federatsııasynyń arasyndaǵy kelispeýshilikten týyndaıdy», deıdi ol.
«Árıne, US Open týrnıriniń fınaldyq kezeńine deıin jetken kóshbasshylardan klımatqa beıimdelý, aýyrtpalyqtar syndy jaıttar óte kóp kúsh alady. Sondyqtan olar jarys tańdaıdy. Eger bul báseke Eýropada ótken bolsa, Federer qatysar edi dep oılaımyn», dep atap kórsetti ol.
Qyrkúıektiń 17-si men 19-y aralyǵynda Astanadaǵy Ulttyq tennıs ortalyǵynda «Devıs kýbogy» jarysy aıasynda Shveıtsarııa quramasy Qazaqstan quramasymen kezdesedi. Qazaqstan atynan Andreı Golýbev, Evgenıı Korolev, Mıhaıl Kýkýshkın jáne ıÝrıı Şýkın óner kórsetse, Shveıtsarııa tarapynan Stanıslas Vavrınka, Mark Sıýdınellı, Mıshel Lammer jáne Iv Allegro shyǵady.
