Klımatqa baılanysty ustanymdar da úlken ózgeriske ushyraıdy — Prezıdent

ASTANA. KAZINFORM — «Jasyl energetıkany» damytý tásilderin qaıta qaraýǵa týra keledi. Bul týraly Úkimettiń keńeıtilgen otyrysynda Prezıdent Qasym-Jomart Toqaev málim etti.

президент
Фото: Ақорда

— Syrttaǵy ahýal kúrdeli bolsa da, elimizde jaqsy nátıjeler bar. El ekonomıkasy ósip jatyr. Biraq sheshimin tappaǵan túıtkilder áli de kóp. Qazirgi tańdaǵy basty másele mynadaı. Álem ekonomıkasynda bolyp jatqan tarıftik tartystar men sanktsııalyq teketirester qalypty jaǵdaıǵa aınaldy. Bul úderistiń saldary joıqyn bolýy múmkin, — dedi Qasym-Jomart Toqaev.

Prezıdenttiń aıtýynsha, klımatqa baılanysty ustanymdar da úlken ózgeriske ushyraıtyn boldy. Mundaı jaǵdaıda «jasyl energetıkany» damytý tásilderin qaıta qaraýǵa týra keledi. Bir jaǵynan, dástúrli qýat kózderine degen suranys saqtalady. Ekinshi jaǵynan, bul munaı, gaz jáne kómir baǵasynyń turaqsyzdyǵyna ákep soqtyrady.

— Qarjy salasynda krıptovalıýtalar men basqa da tsıfrlyq aktıvter keńinen qoldanyla bastady. Jasandy ıntellektini damytý aldyńǵy qatarǵa shyqty, soǵan baılanysty tehnologııasy damyǵan alyp elder arasynda báseke qyza túspek. Jańa dáýirdiń syn-qaterleri az emes. Ony eńserý úshin bizge tıisti strategııa kerek, — dediń Memleket basshysy.

Budan buryn habarlanǵandaı, Prezıdent Qasym-Jomart Toqaevtyń tóraǵalyǵymen Úkimettiń keńeıtilgen otyrysy bastaldy.

Memleket basshysy 2024 jyldy elimiz oń kórsetkishtermen aıaqtaǵanyn aıtty

Сейчас читают