Klımat jónindegi BUU konferentsııasy men Kıoto hattamasy taraptarynyń keńesi óz jumysyn bastady
ASTANA. Jeltoqsannyń 8-i. QazAqparat - Danııa elordasynda dúısenbi kúni BUU-nyń Klımattyń ózgerýi jónindegi negizgi konventsııasy taraptarynyń 15-shi konferentsııasy men Kıoto hattamasy taraptarynyń 5-shi keńesi óz jumysyn bastady.
Bul forýmdarǵa 15 myńǵa jýyq adam - BUU-ǵa múshe 192 elden resmı ókilder, sarapshylar, jýrnalıster qatysýda. Jeltoqsannyń 17-18-i kúnderi ótetin forýmnyń qorytyndy otyrysyna 100-den astam eldiń memleket jáne úkimet basshylary keledi, dep habarlaıdy ITAR-TASS agenttigi.
Forýmǵa qatysýshylar merzimi 2012 jyly bitetin Kıoto hattamasynyń ornyna jańa halyqaralyq kelisim qabyldaýǵa tyrysyp kóredi. Ázirge, damyǵan jáne damýshy elderdiń arasyndaǵy basty másele boıynsha kelispeýshilikti eńserý múmkin bolmaı otyr: taraptar klımattyń ózgerýimen kúresý úshin kedeı elderge kórsetiletin kómektiń mólsheri men zııandy gazdardyń shyǵarylymyn qysqartýdyń kólemi boıynsha kelise almaı keledi.
