Klımat saldarynan syranyń dámi buzylyp, baǵasy qymbattaýy múmkin

Brıtan jáne cheh ǵalymdary bolashaqta syra quramy ózgerip, qymbattaı túsedi degen qorytyndyǵa keldi. Oǵan sebep - jahandyq jylyný, dep habarlaıdy Kazinform agenttigi VVS jańalyqtaryna silteme jasap.

Jahandyq jylyný mıllıondaǵan adamnyń súıikti sýsynyna da áser etýi múmkin.

Óıtkeni shamadan tys jyly aýa raıy syra quramyndaǵy alfa qyshqyldarynyń quramyna keri áser etedi.

Al bul qyshqyl syraǵa tán hosh ıis pen aşy dám beredi.

Chehııa ǵylym akademııasy men Kembrıdj ýnıversıtetiniń bir top ǵalymdary ótken jyldardaǵy meteorologııalyq derekterdi Germanııa, Chehııa jáne Slovakııa egistikterinde ósirilgen qulmaq túıinderindegi alfa qyshqylynyń sáıkes paıyzymen salystyra otyryp qorytyndy jasady.

Jaǵdaı osylaı jalǵasa berse, 2050 jylǵa qaraı qulmaqtyń ónimdiligi 18%-ǵa, al alfa qyshqyldarynyń quramy 30 paıyzǵa tómendeýi múmkin. 

Qulmaq quramy qurǵaı túskendikten syranyń dámi qazirgideı jaqsy bolmaýy jáne qymbattaı túsýi múmkin.