Klımat ózgergendegi jaǵdaılar medıtsına salasyna da qaýipti – zertteý
NUR-SULTAN. QazAqparat - Tanymal dárigerler tótenshe klımattyq jaǵdaılar bolashaq álem boıynsha densaýlyq salasyna úlken qaýip tóndiretinin aıtty, dep jazady The Guardian basylymy.
«Tropıkalyq medıtsına men gıgıena qaýymdastyǵy aldaǵy 25 jylda jahandyq jylynýǵa daıyndalýǵa qabiletsizdiktiń medıtsınalyq saldary qaýipti bolatynyna alańdaýly. Aldyńǵy qatarly medıtsına qyzmetkerleri bolashaqtaǵy jahandyq densaýlyqqa klımattyq daǵdarys eń úlken qaýip tóndiredi dep esepteıdi», - dep jazady avtor.
Onyń aıtýynsha, mundaı málimdeme jasaǵan ári kedeı memleketterge tán tropıkalyq aýrýlar týraly jańalyqtar ashqan dárigerler úkimet pen densaýlyq saqtaý organdary jahandyq jylynýdyń saldaryna daıyndala almaıtynyn aıtqan.
«Mamandar jalǵan aqparat pen ǵylymǵa qarsy derekterge de alańdaýshylyq bildirip, olar densaýlyq saqtaý salasyna qaýip tóndiretinin aıtqan. Qaýymdastyq mamandary densaýlyq saqtaý salasyna tónetin myna qaýipterdi biraýyzdan ataǵan: mıgratsııanyń kúsheıýi, jańa aýrýlar, klımattyń tamaqtanýǵa áseri, ınfektsııalyq aýrýlardyń artýy», dep jazady avtor.
Aıta ketý kerek, «Adaǵy 25 jylda jahandyq densaýlyq saqtaý salasynda ne bolady?» dep atalatyn zertteýde úkimetter osy ýaqyt aralyǵynda densaýlyq saqtaý salasyna erekshe nazar aýdarý kerek ekeni aıtylǵan.
