Klıenttiń qymbat kóligine qyzyqqan aqtóbelik temir tordyń ar jaǵynan bir-aq shyqty
AQTÓBE. QazAqparat - Aqtóbedegi kólikke tehnıkalyq qyzmet kórsetý ortalyǵynda jumys isteıtin Baýyrjan Dosmaǵambetov klıettiń qymbat kóligine qyzyǵyp, ony satyp jibergen.
Búgin sot úkim shyǵardy, dep habarlaıdy QazAqparat tilshisi.
Aqtóbe qalasyndaǵy kólikke tehnıkalyq qyzmet kórsetý ortalyǵynda jumys isteıtin Baýyrjan Dosmaǵambetov ózine senip tapsyrǵan múlikti satyp jiberdi. Buǵan deıin habarlaǵanymyzdaı, ol qymbat kóliktiń maıysqan esigin túzetip, boıatý úshin 30 myń teńge surady. Keıin boıatamyn dep kólikti ózge tehnıkalyq qyzmet kórsetý ortalyǵyna aıdap baryp, Atyraý oblysyna ketip qalady. Sot otyrysy kezinde aıyptalýshy Baýyrjan Dosmaǵambetov qymbat kólikke qyzyqqanyn, ony 750 myń teńgege esh qujatsyz satyp jibergenin, Atyraý qalasynda ustalǵanyn baıandap berdi .
«Baýyrjan Dosmaǵambetov Qylmystyq kodekstiń «Urlyq» baby boıynsha aıypty dep tanylyp, 5 jylǵa bas bostandyǵynan aıyrylsyn. Jazasyn qylmystyq-atqarý júıesiniń qaýipsizdigi ortasha mekemesinde óteý bekitilsin»,- dedi sýdıa Erbol Ábdihalyqov. Jábirlenýshi Qaramergenovaǵa «Toıota Kamrı» avtokóligi qaıtaryldy.
Sot úkimi kúshine engen joq.
