Klıentteriniń aqshasyn urlaǵan qazaqstandyq bank qyzmetkeri BAÁ-den deportatsııalandy
NUR-SULTAN. QazAqparat – Bank klıentteriniń iri kólemdegi qarjysyn talan-tarajǵa salý kúdigine iligip, halyqaralyq izdeý jarııalanǵan qazaqstandyq Dýbaıda qolǵa tústi, dep habarlaıdy QazAqparat tilshisi.
«57 jastaǵy áıel birneshe jyl boıy klıentterine bildirmesten, olardyń depozıttik esepshottaryndaǵy aqshalaryn zańsyz aýdarý arqyly 32 mln teńgeden astam shyǵyn keltirgen. Qylmystyq qýdalaýdan jaltarý maqsatynda banktiń burynǵy qyzmetkeri Qazaqstan aýmaǵynan Biriken Arab Ámirlikterine ushyp ketken. Osydan keıin Interpoldyń Qazaqstandaǵy ulttyq ortalyq bıýrosy «tutqynǵa alý» bultartpaý sharasymen halyqaralyq izdeý jarııalaǵan. Osy jyldyń 18 qyrkúıeginde UR QK 189-babynda kózdelgen qylmysty jasaǵany úshin halyqaralyq izdeýde bolǵan qazaqstandyq Dýbaıda tutqyndalyp, Qazaqstanǵa deportatsııalandy», - delingen Nur-Sultan qalalyq polıtsııa departamenti aqparatynda.
Kúdikti áıel ýaqytsha oqshaýlaǵyshqa qamalyp, QR Qylmystyq kodeksiniń 189-babymen qylmystyq is qozǵaldy.
