Klıchko Pýlevpen ótetin jekpe-jek ýaqytyn rastady
ASTANA. QazAqparat - Álem chempıony Vladımır Klıchkonyń men bolgarııalyq Kýbrat Pýlev arasyndaǵy jekpe-jek Gambýrg qalasynda 15 qarasha kúni ótetini týraly aqparat naqtylandy, bul týraly boksshy twitter-degi jeke paraqshasynda jazdy.
«Kýbrat Pýlevpen bolatyn jekpe-jek ýaqyty anyqtalǵanyn qýana habarlaımyn. Ol 15 qarasha ótedi. Jaraqatymnan tezirek aıyǵamyn degen úmitim bar, birneshe aptadan soń jattyǵýlardy da bastaımyn», - dep jazǵan ol.
Eske sala keteıik, V.Klıchko Avstrııada jattyǵý kezinde tizesin jaralap alǵan bolatyn, sol úshin bolgarııalyq Kýbrat Pýlevpen 6 qyrkúıekke belgilengen jekpe-jek keıinge qaldyrǵan. Klıchko Halyqaralyq boksshylar federatsııasy (IBF), Dúnıejúzilik boksshylar uıymy (WBO) men Dúnıejúzilik bokshylar qaýymdastyǵy (WBA) nusqasy boıynsha 17-shi ret tıtýldy qorǵaýy tıis. Ol bul ataqty segiz jyldan beri ıelenip keledi. Onyń esebinde 62 jeńis (53 nokaýt), 3 jeńilis bar. Klıchko sońǵy ret 26 sáýirde rıngke shyǵyp, avstralııalyq Aleks Leapaıdi 5-raýndta sulatyp salǵan bolatyn. Al Pýlev ótken jylǵy tamyzda amerıkalyq Tonı Tompsonnan basym túsip, IBF-ge úmitker atandy. Sodan beri eki ret jeńiske jetti. Onyń esebinde - 20 jeńis (11 nokaýt) bar, esh jeńilip kórmegen.
