Klıchko Pýlevpen kezdesý aldyna dopıng-baqylaýdan ótýden bas tartty
ASTANA. QazAqparat - Asa aýyr salmaqtaǵy úsh nusqa boıynsha álem chempıony ýkraındyq Vladımır Klıchko qarsylasy - Halyqaralyq boksshylar federatsııasynyń tıtýlyna mindetti úmitker bolgarlyq Kýbrat Pýlevtiń Gambýrg qalasynda 6 qyrkúıekke belgilengen kezdesýdiń aldynda dopıng-baqylaýdan ótý talabynan bas tartty.
Bul týraly Gambýrgtegi baspasóz konferentsııasynda Klıchkonyń komanda ókilderi habarlady.
Pýlev qarsylasynan jarystan keıin emes, kezdesýge deıin, daıyndyq ýaqytynda mindetti dopıng-baqylaý rásiminen ótýin talap etti.
Alaıda Klıchkonyń menedjeri Bernd Bente ýkraındyq boksshy dopıngten tek resmı qaǵıdalarǵa sáıkes ótetinin habarlady: «Bizdiń jekpe-jek Nemis kásibı boks odaǵynyń erejeleri boıynsha ótedi, bul jerde dopıng-baqylaý jarystan keıin tekseriledi. Buǵan deıin birneshe boksshynyń dopıng qoldanǵany áshkere bolǵandyǵy - bul tekserý júıesiniń durys qurylǵandyǵynyń belgisi», - dedi Bente.
«Zaýerland Ivent» kompanııasy: «Pýlevtiń promoýterleri Vladımırdi kemsitkisi keledi. Bul «dástúrge» aınalyp ketken», degen pikir bildirdi.
