Klıchko Povetkınmen qarymta kezdesýge daıyn ekenin jarııalady
ASTANA. QazAqparat - IBF, WBO, WBA - úsh nusqa boıynsha álem chempıony ýkraındyq Vladımır Klıchko WBA nusqasy boıynsha álem chempıony reseılik A. Povetkınmen qarymta kezdesý ótkizýge daıyn ekenin jarııalady, dep jazady ITAR-TASS.
Ótken jumada Povetkın nemis boksshysy Manýel Charrdy 7 raýndta nokaýtqa túsirip, Búkilálemdik boksshylar qaýymdastyǵynyń kontınentaralyq chempıony tıtýlyn (WBC) jeńip alǵan bolatyn.
Klıchko reseılik boksshyny jeńisimen quttyqtaǵanyn jáne onymen ekinshi márte sharshy alańǵa shyǵýǵa daıyn ekendigin aıtqan. «Meniń oıymsha, eger bul jekpe-jek ótse, tek Kıevte ótedi. Sebebi, birinshi kezdesýimiz Máskeýde bolǵan, endi ret boıynsha Kıevte ótkeni jón. Munda «Olımpııskıı» atty keremet kompleks bar», - dep atap ótti ol.
Ótken jyldyń qazanynda Klıchko Povetkındi tóreshilerdiń sheshimi boıynsha upaı sanymen jeńgen. Aıta keteıik, sol joly orys boksshysy óz karerasynda tuńǵysh ret jeńilgen bolatyn.
