Klıchko: Povetkınmen bolatyn jekpe-jek ońaı soqpaıdy
ASTANA. 6 mamyr. QazAqparat - Boksshy Vladımır Klıchkonyń paıymynsha, Franchesko Pıanetamen kezdesýge qaraǵanda Aleksandr Povetkınmen bolatyn jekpe-jek qıyndaý bolmaq.
«Eger bizdiń kezdesý ótken jaǵdaıda ol basqalaryna uqsamaıdy degen senimdemin. Bul - eki Olımpıada chempıonynyń jekpe jegi. Men 1996 jyly Atlantada jeńiske jettim, al 2004 jyly Afınyda Sashanyń mereıi ústem boldy. Sondyqtan da kórermender úshin óte qyzyqty bolmaq»,-deıdi V. Klıchko.
Osy oraıda ol Pıanetamen bolǵan kezdesýge qaraǵanda Povetkınmen aradaǵy kezdesý qıyndaý túsýi múmkin ekenin jasyrmady. «Povetkınniń boksshylyq tájirıbesi aıtarlyqtaı mol»,-dep naqtylap ótti V. Klıchko.
Esterińizge sala keteıik, ýkraındyq boksshy Vladımır Klıchko ıtalıandyq Franchesko Pıanetany aıqyn basymdyqpen utyp, IBF, IBO, WBO jáne WBA tujyrymdary boıynsha asa aýyr salmaqtaǵy chempıondyq ataqtaryn kezekti ret qorǵap qaldy.
