Klıchko ıtalıandyq boksshyny altynshy raýndta sulatyp saldy
ASTANA. 5 mamyr. QazAqparat - Kásipqoı boksta IBF, IBO, WBO jáne WBA tujyrymdary boıynsha asa aýyr salmaqtaǵy chempıon Vladımır Klıchko óz ataqtaryn kezekti ret qorǵap qaldy,
dep jazady "Sport-Ekspress".
Ýkraındyq boksshy ıtalıandyq Franchesko Pıanetany aıqyn basymdyqpen utty. Germanııanyń Mangeım qalasynda ótken jekpe-jekte ýkraındyq boksshy aıqas bastalǵannan mysy basym ekenin ańǵartyp, qarsylasyn eki ret nokdaýnǵa jiberdi. Osylaısha Francheskonyń esin jıǵyzbaı, altynshy raýndta sulatyp saldy.
37 jastaǵy Vladımır Klıchko kásipqoı boksta osymen 63 jekpe-jek ótkizdi, onyń 60-da jeńiske jetti. 51 jekpe-jeginde qarsylasyn nokaýtqa jiberip, úsh ret jeńilgen.
Endi ol kelesi jekpe-jekti reseılik Aleksandr Povetkınmen ótkizedi dep kútilýde.
Klıchko aıqasqa daıyn ekenin buǵan deıin birneshe márte málimdegen, Povetkın túrli sebepterdi alǵa tartyp onymen kezdesýden bas tartyp kelgen edi, dep habarlaıdy Baq.kz.
