Klıchko Garvard ýnıversıtetinde dáris oqıdy

 ASTANA. QazAqparat - Asa aýyr salmaqtaǵy burynǵy álem chempıony Vladımır Klıchko Garvard ýnıversıtetiniń  (AQSh) dáriskeri bolady, dep habarlaıdy QazAqparat. Bul týraly onyń baýyry, Kıev qalasynyń meri Vıtalıı Klıchko «Babel»  basylymyna bergen suhbatynda aıtty.

Ol óz sózinde Vladımır álemdegi bedeldi ýnıversıtetterdiń birinde menedjment boıynsha dáris oqıtyndyǵyn málim etti.

«Ol shynynda da jaqsy menedjer. Vladımır úsh -tórt jyldan beri shveıtsarııalyq Sankt-Gallena ýnıversıtetinde dáris oqıdy.

Bıyl oǵan Garvardta dáris  oqýǵa usynys tústi. Vladımır kelisimin berdi»,- dedi baýyry.

Vladımır Klıchko óz sporttyq jolynda aýyr salmaqtaǵy álem chempıony atanǵan. Ol kásibı bokstaǵy sporttyq mansabyn 2017 jyly qatarynan eki ret jeńilgennen soń aıaqtady.