Klıchko Fıýrımen jekpe-jekten bas tartsa WBO chempıony ataǵynan aıyryla ma?
ASTANA. QazAqparat - Álem chempıony, ýkraındyq Vladımır Klıchko Taıson Fıýrımen jekpe-jekten bas tartqan jaǵdaıda chempıondyq ataqtarynyń birinen (WBO) aıyrylýy múmkin, dep habarlaıdy «Chempıonat».
Brıtandyq boksshy WBO nusqasy boıynsha chempıondyq ataqqa mindetti úmitker bolyp tabylady, alaıda Vladımır Klıchko ázirshe 2015 jyldyń kúzinde bolýy tıis kezdesýge kelisimin bergen joq. Fıýrıdiń promoýteri Frenk Ýorrenniń málimdeýinshe, ýkraındyq boksshynyń komandasy ótýkizilýge tıis jekpe-jekke qatysty kelisimge keler emes.
«Biz Klıchkonyń komandasyna «jekpe-jekti naýryz aıynda nege ótkizbeske?» degen suraqpen hat jazdyq. Alaıda olar esh jaýap bermedi. Mende eshbir aqparat joq. Bul jekpe-jeke Klıchkonyń jaqynda ótken jekpe-jeginen keıin ótýi tıis», - dep jazady Ýorrenniń sózderin Daily Mail.
Esterińizge sala keteıik, Vladımır Klıchko sondaı-aq sýperaýyr salmaqtaǵy WBA (Super), IBF jáne IBO chempıondyq ataqtaryna ıe.
