Klebanov pen Kannan qalǵan jylý nysandaryn nege memleket satyp aldy – mınıstrlik jaýaby

ASTANA. KAZINFORM – Energetıka mınıstrligi Energetıkalyq qadaǵalaý jáne baqylaý komıtetiniń tóraǵasy Erjan Ertaev Úkimet otyrysynan keıin ótken baspasóz máslıhatynda «Petropavl jylý jelileri» kásipornyn memleketke qaıtarý operatsııasy týraly pikir bildirdi.

– Petropavl qalasynyń qalaı jylýsyz qalǵany esińizde shyǵar. Sóıte tura Sergeı Kan men Aleksandr Klebanovqa tıesili Petropavl jylý jelisi memleketke satylmaqshy. Onyń ishinde atyshýly №2 jylý elektr ortalyǵy da bar. Bul olıgarhtardyń tozyǵy jetken nysandardy jóndemesten memleketke satyp qutylý áreketi emes pe?, - dep surady jýrnalıst.

Energetıkalyq qadaǵalaý jáne baqylaý komıtetiniń tóraǵasy Erjan Ertaev bul saıasatty jergilikti ákimdikter júrgizetinin aıtty.

– Bul máselede sheshimdi jergilikti atqarýshy organdar qabyldaıdy. Ákimdikterdiń sheshimi mınıstrlik quzyretine kirmeıdi. Qazir Petropavldaǵy nysandy jergilikti ákimdikke ótkizý týraly kelissóz júrip jatqanyn bilemiz. Pavlodar qalasynda da sondaı jumystar júrgizilip jatyr. Biraq ol da mınıstrliktiń quzyretinde emes, - dedi komıtet basshysy.

Eske salsaq, bıyl jazda Ekibastuz Aleksandr Klebanov pen Sergeı Kan jalpy quny 3,7 mlrd teńge turatyn jylý jelisiniń múlkin Ekibastuz qalasy ákimdiginiń balansyna ótkizgen bolatyn. Bul — jylý stansasyndaǵy múlikterdi qalanyń kommýnaldyq menshigine berýdiń ekinshi «transhy».