Klaýs Shvab DEF tóraǵasy qyzmetinen ketti

ASTANA. KAZINFORM – Dúnıejúzilik ekonomıkalyq forýmnyń (DEF) negizin qalaýshy jáne tóraǵasy Klaýs Shvab otstavkaǵa ketti, dep habarlaıdy Kazinform.

- Jaqynda jarııalanǵan habarlamadan keıin jáne 88 jasqa tolýymnyń qarsańynda men Qamqorshylyq keńesiniń tóraǵasy jáne múshesi qyzmetinen dereý ketý týraly sheshim qabyldadym, - dep habarlady Klaýs Shvab keńeske. 

Keńes biraýyzdan tóraǵanyń orynbasary Pıter Brabek-Letmatty tóraǵanyń mindetin atqarýshy etip taǵaıyndady. Sondaı-aq bolashaq tóraǵany izdeý jónindegi komıssııa quryldy, delingen DEF málimdemesinde.

Keńes Dúnıejúzilik ekonomıkalyq forýmnyń otstavkaǵa ketken tóraǵasy jáne negizin qalaýshy Klaýs Shvabtyń kórnekti qyzmetin moıyndady. Ol álemdegi jetekshi dıalog pen damý alańyn qurdy jáne Keńes oǵan 55 jyl boıy forýmdy qajymaı basqarǵany úshin alǵysyn bildirdi.