Klassıkalyq shahmattan Astana quramasy el chempıonaty atandy
ASTANA. KAZINFORM - Qyzylordada erler, áıelder jáne ardagerler (senorlar) arasynda ótken klassıkalyq shahmattan Astana qalasynyń qurama komandasy chempıon atandy.
Elorda ákimdigi resmı saıtynyń habarlaýynsha, chempıonatqa elimizdiń 11 oblysy men Astana, Almaty, Shymkent qalalarynan 86 shahmatshy qatysqan. Erler men áıelder arasyndaǵy klassıkalyq shahmattyń qorytyndysy boıynsha 7 kezdesýde de basym bolǵan Astana qalasynyń qurama komandasy jeńis tuǵyrynan kórindi. Quramada Aslan Aıtbaev, Aıan Ahmetov, Álisher Majkenov jáne Amına Qaıyrbekova sııaqty tájrıbeli shahmatshylar óner kórsetti.
Atalǵan sanatta Qyzylorda oblysynyń quramasy kúmis medalǵa qol jetkizse, Pavlodar oblysynyń sportshylary qola júldeni enshiledi.
Al, Ardagerler arasyndaǵy básekede Almaty qalasynyń sportshylary altyn júldeni enshiledi. Júldeli ekinshi orynǵa Vladıslav Nasybýllın, Arman Ospanov, Qunanbaı Saǵnaev jáne Álfııa Tórebaeva bastaǵan astanalyq ardager sportshylar ıe boldy. Qolany Jambyl oblysynyń ardagerleri qanjyǵaǵa baılady.
Qyzylorda tórinde 9 kúnge sozylǵan klassıkalyq shahmattan QR komandalyq chempıonatynyń jeńimpazdary óz sanattary boıynsha dıplomdarmen, kýboktarmen jáne aqshalaı syılyqtarmen marapattaldy.
