QQS týraly sheshimdi kelesi aptada aıtamyz — Azamat Ámrın
ASTANA. KAZINFORM — Ulttyq ekonomıka mınıstriniń birinshi orynbasary Azamat Ámrın Senatta ótken dóńgelek ústelden keıin ótken baspasóz máslıhatynda QQS jańa mólsherlemesi týraly sheshim qashan qabyldanatynyn aıtty.

Jýrnalıst atalǵan usynystyń qala bıýdjetine túsetin salyqqa qalaı áser etetinin suraǵan.
— Ózderińiz bilesizder, zań jobasy Májiliste jatyr. Ol máseleni qarap, túrli esepter júrgizip otyrmyz. Kelesi aptanyń aıaǵyna deıin jalpy kórinis aıqyndalady dep oılaımyn jáne biz ony málim etemiz. Onyń ishinde QQS mólsherlemesi de, QQS salynatyn aınalym shegi de, ońtaılandyrylǵan salyq rejımi de bar. Sheshimdi kelesi aptanyń aıaǵynda málim etemiz, — dedi vıtse-mınıstr.
Eske salsaq, Ulttyq bank tóraǵasy Tımýr Súleımenov Úkimettiń qosylǵan qun salyǵyn kóterý bastamasyn qoldaıtynyn aıtqan edi.