QQS-tiń tómengi shegi 40 mln teńge bolsa, salyq túsimi qansha bolady

ASTANA. KAZINFORM – Premer-mınıstrdiń orynbasary – Ulttyq ekonomıka mınıstri Serik Jumanǵarın Májilistiń jalpy otyrysynda Úkimet salyq reformasynan ne kútetinin aıtty.

- Salyq reformasynan ne kútemiz? Nátıje aıqyn seziletin bolady. Jylyna qosymsha 4-5 trln teńge salyq túsimderi. Ulttyq qorǵa táýeldilik tómendep, bıýdjet ózin-ózi qamtamasyz etedi, - dedi ol.

Vıtse-premer bul ózgerister ınflıatsııany ýshyqtyratynyn da moıyndady.

- Iá, ózgerister ınflıatsııaǵa áser etýi múmkin, biraq bul áser ýaqytsha jáne bir jyl ishinde bolady dep boljanyp otyr. Bizdiń esepteýimiz boıynsha qosymsha ınflıatsııa 2,5-3% bolady, - dedi Ulttyq ekonomıka mınıstri.

Aıta ketý kerek, Salyq kodeksiniń jańa redaktsııasynda QQS salynatyn aınalymnyń tómengi shegin 40 mln teńge dep belgileý usynylyp otyr.